مسافر والطريق واعر
بقلم الشاعر/ محمد صيام
مكتب محافظة البحر الأحمر
مسافر
والطريق واعر
ما يعرف رحمة ولا إحساس
ولا بيراعي لمشاعر
سراب يخدك لسكة بعيد
ويسرح فيها بخيالك
ويرسملك طريق مورود
وتجري وراه علي الآخر
تدور وياه في دوامه
حاجات ياما
لا مرت حتي على بالك
ولا وردت على الخاطر
وعارف إنها نهايتك
لكن بالعند بتكابر
تشدك دنيا مغروره
تزينلك قوام صوره
ونصبت للقا سامر
وعمرك ع الطريق مطروح
وقلبك يدمي كله جروح
وتتحدي ، وبتعافر
وتجري ناحية المجهول
لا بتفضفض ولا بتقول
مصر وبرده بتغامر
لا خلصت سكة الاشواك
ولا مره تبص وراك
كأنه طريق ملوش آخر
……….
من قصيدة أشواق
#من_ديوان_حبة_كلام
……….
